தூத்துக்குடி மாவட்ட விளையாட்டு அரங்கத்தில் நடைபயிற்சியில் ஈடுபட்டிருந்த பொதுமக்களிடம் தேசிய ஜனநாயக கூட்டணி அதிமுக வேட்பாளர் சி.த. செல்லப்பாண்டியன் நேரடியாக சந்தித்து இரட்டை இலை சின்னத்தில் வாக்களிக்குமாறு ஆதரவு கோரினார்.
காலை நேரத்தில் அரங்கத்திற்கு வந்த அவர், உடற்பயிற்சி செய்துவருபவர்களுடன் கலந்துரையாடி, அவர்களின் கருத்துகள் மற்றும் தேவைகளை கேட்டறிந்தார். எளிமையான அணுகுமுறையால் பலரது கவனத்தை ஈர்த்த இந்த சந்திப்பு, அங்கிருந்தவர்களிடையே வரவேற்பைப் பெற்றது.
பொதுமக்கள் கூடும் இடங்களில் நேரடி தொடர்பு மூலம் பிரச்சாரத்தை வலுப்படுத்தும் முயற்சியாக இந்த நடைபயிற்சி சந்திப்பு அமைந்தது.
