“தூத்துக்குடியில் நலத்திட்டப் உதவிகள்: அமைச்சர் கீதாஜீவன் – மேயர் ஜெகன் பெரியசாமி இணைந்து வழங்கல்”

துணை முதலமைச்சர் உதயநிதி ஸ்டாலின் அவர்களின் 49வது பிறந்தநாளையொட்டி வடக்கு மாவட்ட திமுக இளைஞர் அணி சார்பில் 20-ஆம் வாா்டில் நடைபெற்ற நலத்திட்ட உதவிகள் வழங்கும் விழா சிறப்பாக நடைபெற்றது. சமூகநலன் மற்றும் மகளிர் உரிமைத்துறை அமைச்சர் கீதாஜீவன் தலைமையில் நடைபெற்ற இந்நிகழ்வில் மேயர் ஜெகன் பெரியசாமி, மாநகர திமுக செயலாளர் ஆனந்தசேகரன், வட்டச்செயலாளர் ரவீந்திரன் ஆகியோர் முன்னிலை வகித்தனர். மாவட்ட பிரதிநிதி நாராயணன் வரவேற்புரையாற்றினார்.

2,000 பேருக்கு நலத்திட்ட உதவிகள்

விழாவில் 2,000 பேருக்கு பல்வேறு நலத்திட்ட உதவிகள் வழங்கப்பட்டது. இதனையடுத்து அமைச்சர் கீதாஜீவன் உரையாற்றுகையில்:

துணை முதலமைச்சர் பிறந்தநாளை மக்கள் நலத்துடன் இணைத்து கொண்டாடுவது வடக்கு மாவட்டத்தில் வழக்கமாக நடைபெறுவதாக தெரிவித்தார்.

நவம்பர் 27-ஆம் தேதி அரசு மருத்துவமனையில் பிறந்த குழந்தைகளுக்கு தங்க மோதிரமும் தாய்மார்களுக்கு ஊட்டச்சத்து உபகரணங்களும் வழங்கப்பட்டதை நினைவுபடுத்தினார்.

முதியோர் இல்லம், ஆதரவற்றோர் இல்லம், குழந்தைகள் இல்லம் உட்பட பல்வேறு தன்னார்வ நிலையங்களுக்கு உணவுகள் வழங்கப்பட்டதாக குறிப்பிட்டார்.

மாநகர திமுக இளைஞர் அணி சார்பில் 115 அணிகள் பங்கேற்று நடைபெற்று வரும் கிரிக்கெட் போட்டி குறித்து பேசினார்.

அதேபோல் எஸ்ஐஆர் அச்சுறுத்தலை எதிர்த்து வாக்குரிமையை பாதுகாக்க திமுக மட்டுமே மாநிலம் முழுவதும் களத்தில் இறங்கியுள்ளது என்பதையும் வலியுறுத்தினார். கொரோனா, வெள்ளம் என எந்த பேரிடரும் வந்தாலும் முதலமைச்சர் ஸ்டாலின் மக்களிடம் நின்று உதவி செய்த காலத்தையும் விரிவாக உரையாற்றினார்.

“10 நாட்கள் மழையால் மக்கள் சிரமம் அனுபவித்தனர். இன்று சூரியன் உதித்த மகிழ்ச்சியில் நலத்திட்ட உதவிகளை வழங்குவது நமது கடமை. மக்கள் நலனே எங்கள் முதன்மை,” என அமைச்சர் கீதாஜீவன் தெரிவித்தார்.

மேயர் ஜெகன் பெரியசாமி உரை

மேயர் ஜெகன் பெரியசாமி உரையாற்றுகையில்:

உதயநிதி ஸ்டாலின் பிறந்தநாளையொட்டி நகரம் முழுவதும் நலத்திட்ட உதவிகள் தொடர்ச்சியாக வழங்கப்பட்டு வருவதாக கூறினார்.

திமுக ஆட்சிக்கு வந்தபின்னர் தூத்துக்குடி மாநகராட்சி பகுதிகளில் சாலைகள், கால்வாய்கள் உள்ளிட்ட பல்வேறு மேம்பாட்டு பணிகள் தொடர்ச்சியாக நடைபெற்று வருகின்றன என தெரிவித்தார்.

மகளிர் உரிமைத்தொகை திட்டத்தில் ஒரு கோடியே 20 லட்சம் பெண்கள் பயன்பெற்று வருவதாகவும், டிசம்பர் மாதத்திலிருந்து விடுபட்டவர்களுக்கும் வழங்கப்படும் என்றும் கூறினார்.

“ஒரு ஆண்டில் 50 நாட்களில் மழை இருக்கும். அந்த நாட்களில் மட்டும் சூரியன் மறைந்தாலும், பிற நாட்களில் சூரியன் உதித்தால்தான் நம் வாழ்வுக்கும், நாட்டிற்கும் ஒளி கிடைக்கும். எப்போதும் வெளிச்சத்திலேயே பயணிப்போம்” என அவர் வலியுறுத்தினார்.

பெரும் திரளான நிர்வாகிகள் – இளைஞர்கள் பங்கேற்பு

விழாவில் பகுதி செயலாளர் ஜெயக்குமார், மாவட்ட இளைஞர் அணி அமைப்பாளர் மதியழகன், மாநகர இளைஞர் அணி அமைப்பாளர் அருண்சுந்தர், துணை அமைப்பாளர் ரவி, மாவட்ட மகளிர் அணி அமைப்பாளர் கவிதாதேவி, தகவல் தொழில்நுட்ப அணி துணை அமைப்பாளர் அருணாதேவி, மாநகர இலக்கிய அணி அமைப்பாளர் ஜீவன்ஜேக்கப், வார்டு அவைத்தலைவர் அற்புதராஜ், வட்டப்பிரதிநிதிகள் அருணகிரி பாஸ்கர் உள்ளிட்ட பலர் மற்றும் வாா்டு நிர்வாகிகள், திமுக இளைஞர்கள், பொதுமக்கள் என பெருமளவில் பங்கேற்றனர்.