“மதுவில்லா தமிழகத்துக்கான முதல் படி… வைகோ தலைமையில் ‘சமத்துவ நடை’ வீரர்கள் தேர்வில் கலிங்கப்பட்டியில் உற்சாக அலை!”

2026 ஜனவரி மாதம் மதுவை ஒழிக்கும் நோக்கில் நடைபெற உள்ள ‘சமத்துவ நடை பயணம்’ தொடர்பாக, நடைபயணத்தில் பங்கேற்கும் வீரர்களைத் தேர்வு செய்வதற்கான சிறப்பு முகாம் நேற்று (16.11.2025) நெல்லை மண்டலம் – தென்காசி மாவட்டம் கலிங்கப்பட்டியில் நடைபெற்றது.

மதிமுக பொதுச் செயலாளர் வைகோ அறிவித்த இந்த மகத்தான சமூக இயக்கத்துக்காக, இளைஞர் அணியினர், மாணவர் அணியினர், தொண்டரணி மற்றும் ஆபத்து உதவிகள் அணி உறுப்பினர்கள் ஆகியோரிடமிருந்து தகுதி பெற்ற நடைபயண வீரர்கள் தேர்வு செய்யப்பட்டனர். மூப்பும், இளமையும் இணைந்த இந்தத் தேர்வு நிகழ்ச்சி, மதுவிலக்கு நோக்கத்தை மக்கள் மெய்ப்பிக்க உள்ள பணிக்கான முக்கிய கட்டமாக அமைந்தது.

நிகழ்ச்சியில் மாவட்ட கழக செயலாளர்கள் கே.எம்.ஏ. நிஜாம், ஆர்.எஸ். ரமேஷ், வழக்கறிஞர் எஸ். வெற்றிவேல், உவரி எம். ரைமண்ட், சுதா பாலசுப்பிரமணியன், ராம. உதயசூரியன், ப. வேல்முருகன், கம்மாப்பட்டி வீ. ரவிச்சந்திரன், சாத்தூர் கண்ணன் மேலும் சாத்தூர் சட்டமன்ற உறுப்பினர் டாக்டர் ஏ.ஆர்.ஆர். ரகுராமன், அரசியல் ஆலோசனை குழு செயலாளர் சிப்பிப்பாறை ரவிச்சந்திரன், வடசென்னை கிழக்கு மாவட்ட செயலாளர் சு. ஜீவன், மாணவரணி செயலாளர் பால. சசிகுமார், இளைஞர் அணி செயலாளர் ப.த. ஆசைத்தம்பி, தொண்டரணி செயலாளர் ஆ. பாஸ்கர சேதுபதி, ஆபத்து உதவிகள் அணி செயலாளர் த. சுமேஷ் உள்ளிட்ட நிர்வாகிகள் மற்றும் தோழர்கள் பெரும் உற்சாகத்துடன் பங்கேற்றனர்.

நடப்பயண வீரர்கள் தங்களின் ஒற்றுமையும் உறுதியும் வெளிப்படுத்திய இந்த நிகழ்ச்சி முழுவதுமாக உற்சாகக் குரல்களில் ஒலித்தது. மதுவை ஒழிக்கும் சமூகப்போரில் அடுத்த தலைமுறையினரின் பங்கேற்பும், ஒழுங்கும், ஒற்றுமையும் இந்த சந்திப்பில் தெளிவாக பிரதிபலித்தது.