உலக புத்தக தினத்தை முன்னிட்டு, தூத்துக்குடி தமிழ் இலக்கிய பேரவை சார்பில் “இலக்கியப் பூக்கும் இனிய மாலை – 283” என்ற நிகழ்ச்சி காரப்பேட்டை நாடார் தொடக்கப் பள்ளியில் சிறப்பாக நடைபெற்றது. இந்த நிகழ்ச்சிக்கு கருவூலத்துறை பணி நிறைவு அலுவலர் துரை கணேசன் அவர்கள் தலைமை வகித்தார். தொடக்கமாக, தூத்துக்குடி தமிழ் இலக்கிய பேரவை செயலாளர் ஆதி அருமைநாயகம் வரவேற்புரை ஆற்றினார்.
நிகழ்வில் வழக்கறிஞர் ஹரிதாஸ் அவர்கள் “பட்டுக்கோட்டையாரின் பட்டுக்கோட்டை” என்ற தலைப்பில் சிறப்புரையாற்றி, கவிஞரின் சமூகப் பார்வை மற்றும் கவிதைத் தனித்துவத்தை எடுத்துரைத்தார். தொடர்ந்து, தமிழ் ஆசிரியர் பிரபு அப்பாசாமி “பாவேந்தரின் புரட்சி பாடல்கள்” குறித்து உரையாற்றி, பாரதிதாசனின் சிந்தனைகள் மற்றும் புரட்சிகரப் பாடல்களின் முக்கியத்துவத்தை விளக்கினார்.
அடுத்து, இலக்கியச் செம்மல் சங்கரலிங்கம் அவர்கள் “புதுமைப்பித்தனின் படைப்பு உலகம்” என்ற தலைப்பில் பேசிக், அவரது கதைகளின் ஆழம் மற்றும் சமூகவியல் பார்வையை எடுத்துக்காட்டினார். நிகழ்ச்சியின் நிறைவாக, பேரவை பொருளாளர் பூபால் செல்லையா நன்றியுரை வழங்கினார். நிகழ்வில் கலந்து கொண்ட அனைவருக்கும் இரவு சிற்றுண்டி வழங்கப்பட்டது.
இந்த விழாவிற்கான அனைத்து ஏற்பாடுகளையும் தூத்துக்குடி தமிழ் இலக்கிய பேரவை சிறப்பாக செய்திருந்தது. இலக்கிய ஆர்வலர்களின் பங்களிப்புடன் நடைபெற்ற இந்த நிகழ்வு, புத்தக வாசிப்பின் அவசியத்தையும் தமிழ் இலக்கியத்தின் பெருமையையும் வலியுறுத்தும் விதமாக அமைந்தது.
