தூத்துக்குடி அன்னை தெரசா நகர், ராஜீவ் நகர் பகுதிகளில் புதிய வடிகால் பணிகள் ஆய்வு!!

தூத்துக்குடி மாநகராட்சிக்குட்பட்ட அன்னை தெரசா நகர் மற்றும் ராஜீவ் நகர் பகுதிகளில் நடைபெற்று வரும் புதிய வடிகால் பணிகளை மேயர் ஜெகன் பெரியசாமி பார்வையிட்டு ஆய்வு செய்தார்.

இந்த ஆய்வு, தமிழ்நாடு முதலமைச்சர் மு.க.ஸ்டாலின் அவர்களின் உத்தரவின்படி மாநகராட்சிப் பகுதிகளில் மழைநீர் வடிகால் வசதிகளை மேம்படுத்தும் நடவடிக்கையின் ஒரு பகுதியாக மேற்கொள்ளப்பட்டது.

ஆய்வின்போது வட்ட கழக செயலாளரும் முன்னாள் மாமன்ற உறுப்பினருமான ரவீந்திரன், மாமன்ற உறுப்பினர் ராமர், வட்ட கழக செயலாளர் மந்திரகுமார் உள்ளிட்ட கழக நிர்வாகிகள் இணைந்திருந்தனர்.

மக்கள் வசிக்கும் பகுதிகளில் நீர்ச் சிக்கல், மழைநீர் தேக்கம் போன்ற பிரச்சினைகள் இல்லாமல் ஆக்குவதற்காக இந்த வடிகால் பணிகள் விரைவில் நிறைவு செய்யப்படும் என்று மேயர் தெரிவித்தார்.