தேசிய ஜனநாயக கூட்டணி சார்பில் தூத்துக்குடி சட்டமன்றத் தொகுதியில் முன்னாள் அமைச்சர் சி.த. செல்லப்பாண்டியன் வேட்பாளராக அறிவிக்கப்பட்டதையடுத்து, தொகுதி முழுவதும் தேர்தல் பரபரப்பு அதிகரித்துள்ளது. நீண்ட இடைவெளிக்குப் பிறகு அவர் மீண்டும் களமிறங்கியிருப்பது, அரசியல் வட்டாரங்களிலும் பொதுமக்களிடையிலும் பெரும் எதிர்பார்ப்பை உருவாக்கியுள்ளது.
அறிவிப்பு வெளியான உடனேயே, அதிமுக மற்றும் கூட்டணி கட்சித் தொண்டர்கள் தீவிரமாக களமிறங்கி, வீடு தோறும் சென்று வாக்காளர்களை சந்தித்து ஆதரவை திரட்டும் பணிகளில் ஈடுபட்டு வருகின்றனர். பல்வேறு பகுதிகளில் மக்கள் அளிக்கும் உற்சாக வரவேற்பு, செல்லப்பாண்டியனின் மீதான நம்பிக்கையை வெளிப்படுத்துவதாக பார்க்கப்படுகிறது.
“வளர்ச்சியும் வேலைவாய்ப்பும் தான் என் நோக்கம்” என்ற அடிப்படையில், தொழில் வளர்ச்சி, இளைஞர்களுக்கு வேலைவாய்ப்பு, சிறு மற்றும் நடுத்தர தொழில்களுக்கு ஊக்கம், குடிநீர் மற்றும் சாலை வசதிகள் மேம்பாடு போன்ற மக்கள் சார்ந்த வாக்குறுதிகளை முன்வைத்து அவர் பிரச்சாரம் செய்து வருகிறார்.
நீண்டகால அரசியல் அனுபவம், நிர்வாக திறன் மற்றும் மக்களுடன் கொண்ட நெருக்கமான தொடர்பு ஆகியவை, அவருக்கு கூடுதல் பலமாக அமைந்துள்ளன. “மக்களோடு இருந்தவன் – மக்களுக்காக மீண்டும் வந்தவன்” என்ற அவரது அணுகுமுறை, வாக்காளர்களிடையே நல்ல வரவேற்பைப் பெற்றுள்ளது.
தூத்துக்குடி தொகுதியில் இம்முறை கடும் போட்டி நிலவினாலும், செல்லப்பாண்டியனின் களமிறக்கம் தேர்தல் சூழ்நிலையை மாற்றியமைத்துள்ளதாக அரசியல் வட்டாரங்கள் கருதுகின்றன. மொத்தத்தில், மக்களிடையே உருவாகி வரும் ஆதரவு அலை பார்க்கையில், இந்த முறை அவருக்கே வெற்றி வாய்ப்பு அதிகம் என மதிப்பிடப்படுகிறது.
