ஒட்டப்பிடாரம் சட்டமன்ற தொகுதிக்குட்பட்ட சவலாப்பேரி அரசு மேல்நிலைப்பள்ளியில் தமிழ்நாடு அரசின் விலையில்லா மிதிவண்டி திட்டத்தின் கீழ் 18 மாணவிகளுக்கு மிதிவண்டிகள் வழங்கப்பட்டன. நிகழ்ச்சியில் கலந்து கொண்டு, பள்ளி மாணவ மாணவிகளுக்கு தமிழ்நாடு அரசால் செயல்படுத்தப்பட்டு வரும் பல்வேறு நலத்திட்டங்கள் குறித்து விளக்கமாக உரையாற்றப்பட்டது.
இந்த நிகழ்ச்சியில் பள்ளி உதவி தலைமை ஆசிரியை சாமிலி, வருவாய் ஆய்வாளர் மாதவன், முன்னாள் திட்ட அலுவலர் தேவேந்திரன், கருங்குளம் கிழக்கு ஒன்றிய கழக செயலாளர் சுரேஷ்காந்தி, மாவட்ட ஆதிதிராவிடர் நல உறுப்பினர் ராஜேந்திரன், கிளை பிரதிநிதி செந்தூர்பாண்டி உள்ளிட்டோர் மற்றும் ஆசிரியர்கள், மாணவ மாணவிகள் கலந்து கொண்டனர்.
அதேபோல், செக்காரக்குடி அரசு மேல்நிலைப்பள்ளியில் 53 மாணவிகளுக்கும், முடிவைத்தானேந்தல் அரசு மேல்நிலைப்பள்ளியில் 48 மாணவ மாணவிகளுக்கும் விலையில்லா மிதிவண்டிகள் வழங்கப்பட்டன. இதில் பள்ளி உதவி தலைமை ஆசிரியர்கள் முத்துகுமார், எலியாஸ், வருவாய் ஆய்வாளர்கள் கவிதா, மேகலா, முன்னாள் திட்ட அலுவலர் தேவேந்திரன், ஒன்றிய கழக செயலாளர் எஸ்.ஆர். சுப்பிரமணியன், ஒன்றிய துணைச் செயலாளர் நாராயணன், மாவட்ட கலை இலக்கிய அணி துணை அமைப்பாளர் ஆறுமுகம், ஒன்றிய தகவல் தொழில்நுட்ப அணி அமைப்பாளர் வசந்த், ஒன்றிய மகளிரணி அமைப்பாளர் முத்துலட்சுமி, முன்னாள் ஊராட்சி மன்ற தலைவர்கள் ராமலட்சுமி, ரம்யா, கிளை செயலாளர்கள் ராஜா, சங்கரநாராயணன், கணேசன், வெள்ளசாமி உள்ளிட்டோர் மற்றும் ஆசிரியர்கள், மாணவ மாணவிகள் பங்கேற்றனர்.
செக்காரக்குடி அரசு மேல்நிலைப்பள்ளி நிகழ்ச்சியின் போது, சொக்கலிங்கபுரம் பகுதியில் இருந்து பள்ளிக்கு வந்து செல்ல மாணவிகளுக்கு காலை மற்றும் மாலை நேரங்களில் பேருந்து வசதி செய்து தர வேண்டும் என மாணவிகள் கோரிக்கை வைத்தனர். இதனை ஏற்றுக்கொண்டு, போக்குவரத்து துறை அதிகாரிகளுடன் பேசி 10 நாட்களுக்குள் பேருந்து வசதி செய்து தர நடவடிக்கை எடுக்கப்படும் என உறுதி அளிக்கப்பட்டது. இதற்காக மாணவ மாணவிகள், முன்னாள் ஊராட்சி மன்ற தலைவர் மற்றும் பொதுமக்கள் நன்றியை தெரிவித்தனர்.
இதே நேரத்தில், மாப்பிளையூரணி அருகே கீதா ஜீவன் நகர் மற்றும் ஜாஹிர் உசைன் நகரை சேர்ந்த மூன்று சிறுவர்கள் மொட்டை கோபுரம் கடற்கரை பகுதியில் கடலில் குளிக்கச் சென்ற போது எதிர்பாராத விதமாக நீரில் மூழ்கி உயிரிழந்த சம்பவத்தில், உயிரிழந்த சிறுவர்களின் குடும்பத்தினரை நேரில் சந்தித்து, முதலமைச்சரின் நிவாரண நிதியிலிருந்து தலா 3 லட்சம் ரூபாய் காசோலைகள் வழங்கப்பட்டன.
இந்த நிகழ்வில் வருவாய் கோட்டாட்சியர் பிரபு, வட்டாட்சியர் திருமணி ஸ்டாலின், மாவட்ட இளைஞரணி அமைப்பாளர் ராமஜெயம், மாவட்ட சுற்றுச்சூழல் அணி அமைப்பாளர் பொன்பாண்டி ரவி, மாவட்ட தொழிலாளர் அணி துணை அமைப்பாளர் அந்தோணி தனுஷ் பாலன், ஒன்றிய துணை செயலாளர் கணேசன், மாவட்ட இளைஞரணி துணை அமைப்பாளர் ஸ்டாலின், ஒன்றிய இளைஞரணி அமைப்பாளர் நெல்சன் உள்ளிட்டோர் உடனிருந்தனர்.
மொத்தமாக, ஒட்டப்பிடாரம் தொகுதியில் கல்வி வளர்ச்சிக்கும், மாணவ மாணவிகளின் நலனுக்கும், துயரத்தில் உள்ள குடும்பங்களுக்கு உதவிக்கும் முக்கியத்துவம் அளிக்கும் வகையில் பல்வேறு நிகழ்வுகள் ஒரே நாளில் நடைபெற்றது குறிப்பிடத்தக்கது.
