தூத்துக்குடி சட்டமன்றத் தொகுதி சுந்தரவேல்புரம் பகுதியில் பெய்த கனமழையால் பல இடங்களில் மழைநீர் தேங்கி பொதுமக்கள் இயங்க இயலாத நிலை ஏற்பட்டது. இதனைத் தொடர்ந்து சமூக நலன் மற்றும் மகளிர் உரிமைத் துறை அமைச்சரும் வடக்கு மாவட்ட திமுக செயலாளருமான கீதா ஜீவன் அவர்கள் அவசரமாக சம்பவ இடத்துக்கு சென்று நேரில் ஆய்வு மேற்கொண்டார்.
பகுதியில் நீர் தேங்கியிருந்த முக்கிய இடங்களைப் பார்வையிட்ட அமைச்சர், பொதுமக்கள் சந்தித்த சிரமங்களை கேட்டறிந்து, உடனடியாக தற்காலிக சாலை அமைக்கும் பணியை தொடங்குமாறு அதிகாரிகளுக்கு உத்தரவிட்டார். மழை காரணமாக பாதிக்கப்பட்ட இடங்களில் மக்கள் பாதுகாப்பு உறுதிப்படுத்தப்படும் வரை பணிகளை தொடர்ந்து கண்காணிக்கவும் அவர் அறிவுறுத்தினார்.
மழை நெருக்கடியை சமாளிக்க அனைத்து துறைகளும் ஒருங்கிணைந்து செயல்படுவதாகவும், மக்கள் எவ்வித அசௌகரியமும் இல்லாமல் செல்ல அரசு முழு உதவியும் வழங்கப்படும் எனவும் அமைச்சர் கீதா ஜீவன் தெரிவித்தார்.
