தூத்துக்குடியில் நடைபெற்ற விவசாயிகள் குறைதீர்க்கும் கூட்டத்தில் மதிமுக சார்பில் கோட்டாட்சியரிடம் மனு வழங்கல்!!

தூத்துக்குடி மாவட்டத்தில் 09.10.2025 அன்று நடைபெற்ற விவசாயிகள் குறைதீர்க்கும் கூட்டத்தில், மதிமுக சார்பில் கோட்டாட்சியரிடம் மனு வழங்கப்பட்டது.

மாநில வெளியீட்டு அணிச் செயலாளர் நக்கீரன் தலைமையில் நடைபெற்ற இந்த நிகழ்வில், தூத்துக்குடி மாவட்ட மதிமுக பிரதிநிதிகள் பொன்ராஜ், மகாராஜன், நாகமுத்து மற்றும் பலர் கலந்து கொண்டனர்.

விவசாயிகள் எதிர்நோக்கும் நீர்வழங்கல் பிரச்சினைகள், மின்சாரம் வழங்கலில் உள்ள தாமதம், நிவாரண நிதி வழங்கல் உள்ளிட்ட பல்வேறு கோரிக்கைகள் குறித்து விரிவாகக் குறிப்பிடப்பட்ட மனுவை கோட்டாட்சியரிடம் நக்கீரன் வழங்கினார்.

விவசாயிகளின் நலனுக்காக மாநில அரசின் கவனம் ஈர்க்கும் நோக்கில் இந்த மனு வழங்கப்பட்டதாக மதிமுக நிர்வாகிகள் தெரிவித்தனர்.